ပြည်သူ့ အစိုးရတစ်ရပ်ဖွဲ့ စည်းရန် အမ်ပီယူ တောင်းဆို။
လွတ်မြောက်နယ်မြေတွင် ၁၉၉၀ ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲအနိုင်ရ ပြည်သူ့လွှတ် တော်ကိုယ်စားလှယ်များနှင့် ဖွဲ့စည်းထားသည့် MPU (Members of Parliament Union) က ယနေ့ မတ်လ (၁၄) ရက် တနင်္ဂနွေနေ့ နံနက် (၉) နာရီမှ နေ့လည် (၁၂) နာရီအထိ “နအဖထုတ်ပြန်သည့် ၂၀၁၀ ပြည့်နှစ် အ ထွေထွေရွေးကောက်ပွဲဆိုင်ရာ ဥပဒေများအပေါ် ဆန့်ကျင်ရှုတ်ချမှု ရှင်းလင်းပွဲ” ကို ဖဒိုမန်းရှာလားဖန်းခန်းမ၌ ကျင်းပပြုလုပ်သည်။
ပြည်သူလူထုတရပ်လုံး လက်ခံနိုင်သည့် ရွေးကောက်ပွဲဖြစ်ရန် ပြည်သူ့လွှတ်တော်ကိုယ်စားပြုကော်မတီ (စီအာပီပီ) က ပြည်သူ့ အစိုးရ ဖွဲ့စည်းမှသာ နိုင်ငံတကာနှင့်အများက လက်ခံနိုင်မည်ဟု ပြည်သူ့လွှတ်တော် ကိုယ်စားလှယ်များအဖွဲ့ (အမ်ပီယူ) က ပြောကြားလိုက်သည်။
ရှင်းလင်းပွဲတွင် MPU အဖွဲ့ဝင် ပြည်သူ့လွှတ်တော်ကိုယ်စားလှယ်များက ၂၀၁၀ ပြည့်နှစ် အထွေထွေရွေး ကောက်ပွဲဆိုင်ရာ ဥပဒေများအပေါ် ဆန့်ကျင်ရှုတ်ချကြောင်း ကြေညာပြီး ၁၉၉၀ ပြည့်နှစ် ပါတီစုံဒီမိုကရေစီအ ထွေထွေရွေးကောက်ပွဲရလဒ် ပျက်ပြယ်ခြင်းမရှိကြောင်း တရားဝင် ထုတ်ပြန်အသိပေးကြေညာသည်။ ထို့ နောက် တက်ရောက်လာသည့် ပြည်သူ့လွှတ်တော်ကိုယ်စားလှယ်များနှင့် အဖွဲ့အစည်းအသီးသီးမှ တာဝန်ရှိ ပုဂ္ဂိုလ်များက ၂၀၁၀ ရွေးကောက်ပွဲနှင့် ပတ်သက်သည့် သူတို့၏ အမြင်များ၊ လက်ရှိမြန်မာ့နိုင်ငံရေးအခြေအ နေများကို လွတ်လပ်ပွင့်လင်းစွာ အကျယ်တ၀င့် သုံးသပ်ရှင်းလင်းဆွေးနွေးကြသည်။
ထို့နောက် MPU (Members of Parliament Union) မှ တာဝန်ရှိ ပြည်သူ့လွှတ်တော်ကိုယ်စားလှယ်များက မတ်လ (၁၃) ရက် ဖုန်းမော်နေ့အခမ်းအနားတွင် တိုက်တွန်းခဲ့သည့် “လက်ရှိနိုင်ငံရေးအခြေအနေအရ အမျိုး သားဒီမိုကရေစီအဖွဲ့ချုပ်နှင့် ရွေးကောက်ပွဲအနိုင်ရ တိုင်းရင်းသားပါတီများ ပါဝင်ဖွဲ့စည်းထားသည့် ပြည်သူ့လွှတ် တော်ကိုယ်စားပြုကော်မတီ (CRPP) ကို လည်းကောင်း (သို့မဟုတ်) တာဝန်သိသည့် တာဝန်ရှိသည့် ၁၉၉၀ ပြည့်နှစ် ပါတီစုံအထွေထွေရွေးကောက်ပွဲမှ ရွေးချယ်တင်မြှောက်ခြင်းခံရသည့် ပြည်သူ့လွှတ်တော်ကိုယ်စား လှယ်များကိုလည်းကောင်း ပြည်သူ့အစိုးရတရပ် အမြန်ဆုံးဖွဲ့စည်းရန် တိုက်တွန်းကြောင်း၊ ပေါ်ပေါက်လာမည့် ပြည်သူ့အစိုးရကို တခဲနက် ထောက်ခံအားပေးမည်ဖြစ်ကြောင်း” ထုတ်ပြန်ကြေညာချက်ကို ထောက်ခံကြောင်း နှင့် ပြည်တွင်းပြည်ပရှိ ဒီမိုကရေစီတိုက်ပွဲဝင် အဖွဲ့အစည်းအသီးသီးအနေနှင့်လည်း တိုက်တွန်းထောက်ခံကြစေ လိုကြောင်း မေတ္တာရပ်ခံပန်ကြားခဲ့သည်။
၂၂ နှစ်မြောက် မြန်မာနိုင်ငံ လူ့ အခွင့်အရေးနေ့ အဖြစ် ထိုင်းမြန်မာနယ်စပ်တွင် ကျင်းပ၊
ယနေ့ မတ်လ ၁၃ ရက် စနေနေ့ မှာ ကျရောက်တဲ့ ၂၂ နှစ်မြောက် ဖုန်းမော်နေ့ အခမ်းအနားကို ထိုင်းနိုင်ငံမဲဆောက်မြို့တွင် ကျင်းပ ခဲ့ပါတယ်။ အခမ်းအနားကို ဖုန်းမော်နေ့ ဖြစ်မြောက်ရေးကော်မတီက ဦးဆောင်ကျင်းပပြီး ဒီမိုကရေးစီအင်အားစုအဖွဲ့အစည်း အသီး သီးမှ ပုဂ္ဂိုလ်များ၊ ဒီမိုကရေစီရေးလှုပ်ရှားသူများ တက်ရောက်ခဲ့ကြပါတယ်။ အခမ်းအနားကို အပိုင်း ၂ ပိုင်းခွဲပြီး ကျင်းပခဲ့ပါတယ်။ ပထမပိုင်းအနေနဲ့ ဒီမိုကရေစီအရေးတော်ပုံမှာ အသက်ပေးလှူသွားသူတွေအ တွက် ရေစက်ချတရားနာခဲ့ကြပါတယ်။ အစီအစဉ် ဒုတိယပိုင်းမှာတော့ မြန်မာပြည် လက်ရှိနိုင်ငံရေအခြေအနေနဲ့ ပတ်သက်လို့ အ ခမ်းအနား တက်ရောက်လာသူ အသီးသီးမှ ပွင့်လင်းလွတ်လပ်စွာ ဆွေးနွေးခဲ့ကြပါတယ်။
“အမျိုးသားဒီမိုကရေစီအဖွဲ့ချုပ်နှင့် ရွေးကောက်ပွဲအနိုင်ရ တိုင်းရင်းသား ပါတီများနဲ့ ဖွဲ့စည်းထားတဲ့ ပြည်သူ့လွှတ်တော်ကိုယ်စားပြု ကော်မတီ (CRPP) ကိုသော်လည်းကောင်း ဒါမှမဟုတ် …
တာဝန်သိသည့် တာဝန်ရှိသည့် ၁၉၉၀ ပြည့်နှစ် ပါတီစုံအထွေထွေရွေးကောက်ပွဲမှ ရွေးချယ်တင်မြှောက်ခြင်းခံခဲ့ရတဲ့ ပြည်သူ့လွှတ် တော် ကိုယ်စားလှယ်များကိုသော်လည်းကောင်း ပြည်သူ့အစိုးရတရပ် အမြန်ဆုံးဖွဲ့စည်းဖို့ တိုက်တွန်းကြောင်း …
ပေါ်ပေါက်လာမည့် ပြည်သူ့အစိုးရကို တခဲနက် ထောက်ခံအား ပေးမည်ဖြစ်ကြောင်း” …
ဒီဆွေးနွေးပွဲမှ ရလဒ်အဖြစ် ကြေညာချက်ထုတ်ပြန်ကာ အခမ်းအနားကို ရုပ်သိမ်းခဲ့ပါတယ်။
Subscribe to:
Posts (Atom)
ဒီနေရာမှာ